Bethan Cartwright
Cymhellwr Arweinyddiaeth a Thimau
Helo, Bethan Cartwright ydw i. Rwy'n cydweithio mewn partneriaeth gydag arweinwyr a thimau i ddatgloi potensial, herio'r meddwl a chreu'r amodau ar gyfer tyfiant parhaol, newid ystyrlon a sefydliadau sy'n ffynu.
P'un a ydych chi'n arwain tîm o ddau neu ddau gant, yn y sector cyhoeddus neu breifat, mae arweinyddiaeth yn dod â chyfleoedd a heriau am yn ail. Nid oes rhaid i chi eu llywio ar eich pen eich hun.
Drwy gymell arweinyddiaeth a chymell tîmau'n systemig, rwy'n darparu gofod ar gyfer myfyrio, persbectifau ffres a her feddylgar. Drwy ofyn y cwestiynau sy'n bwysig, rwy'n eich helpu i wneud synnwyr o sefyllfaoedd cymhleth, archwilio posibiliadau, gwneud penderfyniadau hyderus a throi mewnwelediad yn weithredu ystyrlon.
Gyda'n gilydd, gallwn gryfhau eich arweinyddiaeth, meithrin eich hyder, llywio pwysau a gofynion eich rôl, a chreu'r amodau i'ch tîm ffynnu. Fy nod yw cefnogi eich tyfiant parhaus fel arweinydd, gan eich galluogi chi a'r rhai rydych chi'n eu harwain i wneud gwahaniaeth cadarnhaol a pharhaol.
Amdanaf i
Rwy'n gymhellwr arweinyddiaeth profiadol, cymhellwr tîmau'n systemig a goruchwyliwr i gymhellwyr, gyda thros 25 mlynedd o brofiad arweinyddiaeth mewn addysg, gan gynnwys fel pennaeth ysgol gyfun fawr 11–18.
Rwy'n deall realiti arweinyddiaeth: y cyfrifoldeb, y cymhlethdod, y penderfyniadau anodd a'r gofynion cyson ar eich amser a'ch egni. Rwy'n gwybod hefyd y gwahaniaeth y gall arweinyddiaeth bwrpasol, perthnasoedd cryf ac ymrwymiad i ddysgu ei wneud i unigolion, timau a'r sefydliadau y maent yn eu gwasanaethu.
Mae fy ngwaith yn dwyn ynghyd arbenigedd cymell proffesiynol, profiad arweinyddiaeth ymarferol a chred ym mhotensial pobl i ddysgu, tyfu a chreu newid ystyrlon. Rwy'n gweithio gydag arweinwyr unigol i ddatblygu hunanymwybyddiaeth, archwilio safbwyntiau newydd a chryfhau eu harfer arweinyddiaeth. Trwy gymell tîmau'n systemig, rwy'n helpu timau i ddyfnhau eu dealltwriaeth o sut maen nhw'n gweithio gyda'i gilydd, meithrin ymddiriedaeth, herio eu meddwl a chreu'r amodau ar gyfer tyfiant ar y cyd a llwyddiant cynaliadwy.
Credaf bod dysgu yn hanfodol i arweinyddiaeth effeithiol a bod perfformiad cynaliadwy yn dibynnu ar ein parodrwydd i fyfyrio, addasu a pharhau i dyfu. Mae fy null yn cyfuno cefnogaeth â her feddylgar, gan greu gofod ar gyfer sgyrsiau gonest, meddwl ffres a'r hyder i droi mewnwelediad yn weithredu.
Rwyf wedi ymrwymo i fy natblygiad parhaus fy hun yn ogystal â datblygiad parhaus yr arweinwyr a'r timau rwy'n gweithio gyda nhw. Mae fy nghymwysterau a'm hachrediadau proffesiynol yn adlewyrchu'r ymrwymiad hwn:
-
Cymhellwr Arweinyddiaeth ac Goruchwyliwr i Gynhellwyr achrededig Lefel 7
-
Cymhellwr Tîm achrededig Lefel 5
-
Cymhellwr Achrededig EMCC (EIA) – Uwch Ymarferydd
-
Goruchwyliwr i Gymhellwyr Achrededig EMCC (ESIA)
-
Cymhellwr Tîm Achrededig EMCC (ITCA)
Gallaf weithio drwy gyfrwng Y Gymraeg a'r Saesneg, sy'n fy ngalluogi i feithrin perthnasoedd ystyrlon gydag arweinwyr a thimau ac i hwyluso sgyrsiau yn yr iaith y maent yn teimlo fwyaf cyfforddus ynddi.
P'un a ydych chi'n awyddus i ddatblygu eich arweinyddiaeth, llywio cyfnod o newid neu alluogi eich tîm i weithio'n fwy effeithiol gyda'i gilydd, rwy'n cynnig partneriaeth feddylgar, gefnogol a heriol sy'n canolbwyntio ar ddysgu, tyfiant ac effaith barhaol.
Os hoffech chi archwilio sut y gallem ni gydweithio, byddwn i wrth fy modd yn clywed gennych chi.
Fy Ngwasanaethau
Cymell Arweinyddiaeth Un-i-Un
Gall arweinyddiaeth ddod a boddhad, ond gall hefyd fod yn gymhleth ac yn heriol. P'un a ydych chi'n llywio penderfyniadau anodd, yn rheoli gofynion cystadleuol neu'n edrych i ddatblygu eich arweinyddiaeth ymhellach, mae cymell un-i-un yn darparu gofod pwrpasol i oedi, myfyrio ac archwilio safbwyntiau newydd.
Drwy gefnogaeth a her feddylgar, byddaf yn eich helpu i gryfhau eich hunanymwybyddiaeth, meithrin hyder, llywio heriau a throi eich mewnwelediadau yn weithredu pwrpasol. Gyda'n gilydd, byddwn yn archwilio sut y gallwch arwain gyda mwy o eglurder a bwriad, cyflawni eich nodau a chynnal eich lles eich hun wrth alluogi eraill i ffynnu.
Am ragor o wybodaeth, cliciwch ar 'Cymell Arweinyddiaeth Un-i-Un' yn y ddewislen uchod.
Hyfforddiant/Hwyluso Arweinyddiaeth:
Rwy'n dylunio ac yn hwyluso rhaglenni datblygu arweinyddiaeth a chymell wedi'u llunio'n bersonol sy'n ymateb i anghenion eich sefydliad a'r bobl y tu fewn i'r sefydliad hwnnw.
P'un a ydych chi eisiau cryfhau arferion arweinyddiaeth, datblygu sgiliau cymell neu feithrin diwylliant o ymddiriedaeth, myfyrio a dysgu parhaus, rwy'n creu cyfleoedd i bobl archwilio safbwyntiau newydd, datblygu eu sgiliau a throsi dysgu yn weithredu.
Mae f'arddull yn cyfuno twls ymarferol, her feddylgar a dysgu cydweithredol i helpu arweinwyr a thimau i dyfu, gweithio'n fwy effeithiol gyda'i gilydd a chreu'r amodau ar gyfer datblygiad sefydliadol parhaol.
Cymell Tîmau'n Systemig
Mae timau arweinyddiaeth effeithiol yn gwneud mwy na dod ag unigolion talentog at ei gilydd. Maent yn datblygu pwrpas cyffredin, yn meithrin perthnasoedd o ymddiriedaeth, yn croesawu her iach ac yn cydweithio i gyflawni'r hyn na allai unrhyw unigolyn ei gyflawni ar ei ben ei hun.
Drwy gymell tîmau'n systemig, rwy'n gweithio ochr yn ochr â thimau arweinyddiaeth i gryfhau eu cysylltiadau, archwilio sut maen nhw'n gweithio gyda'i gilydd ac alinio eu hymdrechion o amgylch pwrpas cyffredin. Gyda'n gilydd, rydym yn creu'r gofod ar gyfer sgyrsiau gonest, safbwyntiau ffres a mwy o gyfrifoldeb ar y cyd.
Drwy ddatblygu diwylliant o ymddiriedaeth, dysgu a chydweithio effeithiol, gall eich tîm symud y tu hwnt i gyfraniadau unigol i greu gwerth i'ch sefydliad a'r bobl y mae'n eu gwasanaethu. Y nod yw nid yn unig dod yn dîm gwell, ond gwneud gwahaniaeth parhaol gyda'n gilydd.
Goruchwyliaeth
Mae goruchwylio yn darparu gofod pwrpasol i oedi, myfyrio ac archwilio heriau, perthnasoedd a chymhlethdodau ymarfer proffesiynol. Mae'n cefnogi hunanymwybyddiaeth, ymarfer moesegol, dysgu parhaus a datblygu mwy o hyder ac effeithiolrwydd.
Rwy'n cynnig goruchwyliaeth i gymhellwyr gweithredol ac arweinwyr ym myd addysg, gan dynnu ar fy nghymwysterau goruchwylio proffesiynol a'm profiad helaeth o arweinyddiaeth a datblygiad.
1. Goruchwylio Cymhellwyr
Fel goruchwyliwr i gymhellwyr cymwys ac achrededig, rwy'n darparu gofod cefnogol a her priodol i gymhellwyr fyfyrio ar eu harfer, archwilio deinameg eu perthnasoedd cymell a dyfnhau eu hunanymwybyddiaeth.
Gyda'n gilydd, gallwn archwilio sefyllfaoedd heriol, ystyried dilema's moesegol, adnabod patrymau a datgelu safbwyntiau newydd. Fy nod yw cefnogi eich datblygiad parhaus, cryfhau eich ymarfer cymell a'ch helpu i weithio gyda mwy o hyder, mewnwelediad ac effaith er budd eich cleientiaid.
Am ragor o wybodaeth, cliciwch ar 'Goruchwylio Cymhellwyr' yn y ddewislen uchod.
2. Goruchwyliaeth Broffesiynol ar gyfer Arweinwyr mewn Addysg
Mae arweinyddiaeth mewn addysg yn dod â chyfrifoldeb, cymhlethdod a gofynion emosiynol sylweddol. Mae goruchwyliaeth broffesiynol yn cynnig gofod cyfrinachol i ffwrdd o bwysau beunyddiol arweinyddiaeth yr ysgol i fyfyrio, meddwl yn glir ac archwilio'r heriau rydych chi'n eu hwynebu.
Gan ddefnyddio fy mhrofiad fel pennaeth, fy nealltwriaeth o'r sector addysg a'm harbenigedd goruchwylio, byddaf yn eich cefnogi i archwilio sefyllfaoedd anodd, myfyrio ar eich perthnasoedd arweinyddiaeth, ailgysylltu â'ch gwerthoedd ac ystyried ffyrdd newydd ymlaen.
Y nod yw cryfhau eich hunanymwybyddiaeth, cynnal eich lles a'ch cefnogi i arwain gyda mwy o eglurder, hyder a phwrpas, i chi'ch hun, eich tîm a chymuned eich ysgol.
Am ragor o wybodaeth, cliciwch ar 'Goruchwyliaeth Broffesiynol' yn y ddewislen uchod.
